نــهــر الــنــيــل

بسم الله الرحمن الرحيم
طبعا كلنا سمعنا عن المشاكل اللى حصلت بين دول حوض النيل واللى مصر كانت طرف فى القضية
إسمحولى أوضحلكم الموضوع بطريقة بسيطة جدا

أولا الشعب المصري كله بيعيش حوالين النيل ومصر مساحتها حوالى مليون كيلو متر مربع يعنى مساحة ضخمة جدا و 6 % من مساحة مصر كلها هى اللى عايشين فيها المصريين وال 94 % صحراااااااااااااااااااااااااااا
ومايــــه فى صحرا بيساوى شيء غالى جدااااااااااااااا ودا بيدل على شدة ارتباط المصريين بنهر النيل

نهر النيل أطول نهر فى العالم طوله 6695 كيلو متر وبيزيد فى الطول بس مش من عندنا من عند المنابع

ثانيا نهر النيل بيضم 10 دول ودا بعد انفصل اريتريا عن اثيوبيا

نــيــجــى بــقــى لــمــشــوار نــهــر الــنــيــل
بينبع نهر النيل من وسط أفريقيا من دولة إسمها بورندى الدولة دى بيطلع منها نهر إسمه كجيرا والنهر دا هو اللى بيمد فى الاساس نهر النيل وبعدين بيمشي نهر كجيرا ما بين تنزانيا ورواندا يبقي كده 3 دول بورندى وتنزانيا ورواندا بعد كده بيدخل نهر كجيرا علي بحيرة اسمها بحيرة فيكتوريا وحوالين بحيرة فيكتوريا دولة إسمها أوغندا يبقي كده 4 دول وبعد كده بيكمل نهر النيل من بحيرة فيكتوريا وبيتجه شمالا ناحيتنا وهو رايح علينا بيجيلوا نهر جديد صغير إسمه سميلكى نهر سميلكي دا بيجي من الكونغو الديمقراطية يبقي كده 5 دول
ال 5 بلاد دول شركاء فى حوض النيل المنبع


اللى بيطلع بقي من ال5 دول فرع واحد من النيل إسمه النيل الأبيض
النيل الابيض بيكمل شمالا بعد ما اخد من ال5 دول اللى ذكرناهم و بيدخل السودان يبقي كده 6 دول بالسودان وبيفضل ماشي ماشي لحد مايوصل الخرطوم
عند الخرطوم عاصمة السودان بيلتقي مع نهر إسمه النيل الأزرق
النيل الأزرق دا بقي بيبقي جاى من 3 دول ( أثيوبيا - كينيا - أريتريا ) كده 3 دول وهناك 6 يبقوا 9
ومصر يبقي عشر دول

يبقي نهر النيل بيضم عشر دول وممكن يبقوا 11 دولة لا قدر الله لو انفصل جنوب السودان

وممكن يبقي نهر النيل بيضم 12 دولة لو إتحققت طموحات اليهود ونسأل الله عز وجل أن لا تتحقق هذه الطموحات

(( تــوضيح ))
المقال اتكتب قبل انفصال حنوب السودان